∙ يوميات ∙, ∙ تجارب ∙

• تبرعي بشعرك •

header3rdblog

مؤمنة بإن أعمال الخير متنوعة وماهي محصورة في شكل واحد، وقت ماكان شعري طويل أتمنى شخص يستفيد منه لأني ألقى تعليقات “حرام .. حلو شعرك.. الكل يتمناه” لكن مليّت! وأعرف أنه جميل بعين غيري لكن هل ممكن أجدد في شكلي وأعطي شعري غيري ونكون كلنا سعداء؟ هل ممكن أحقق هذي المعادلة!

في البداية بحثت عن الموضوع مالقيت تجارب بس لقيت مشغل + جمعيتين مالهم علاقة ببعض، وحاولت اتواصل مع الكل مالقيت جواب شافي💔 ‏سألت في تويتر وردوا علي بنات جزاهم الله خير بمعلومات تخص جمعية زهرة لمرضى سرطان الثدي،

قررت أجرب! وأرسلت لهم شعري بالبريد السعودي وتواصلت معهم بالتلفون على رقمهم آخذ منهم باقي المعلومات بشكل أكيد عشان اكتبها للكل✨ ، كانت الموظفة متجاوبة جدًا وذكرت لي إن شعري وصلهم بنفس الموعد، ظلينا نحكي عن موضوع التبرع بالشعر وذكرت لي نقاط مهمة:

لازم ما يقل الشعر المُتبرع به عن ٢٠ سم 

‏• يكون الشاعر ناعم مايكون أجعد “شعري كيرلي وقبلوه”

‏• قبل ماتقصون شعركم اربطوه ٣ ربطات: من فوق + من الوسط + من الأخير “عشان ماتتفكك الشعرات”

احفظوه في كيس نايلون بعد القص، بعدها شي راجع لكم تحطونه بظرف كبير أو صندوق اللي تبون

عادي تتبرعون بالشعر وهو مصبوغ

‏آخر نقطة ليش مو مهم يكون مصبوغ أو لا؟ لأنهم يجمعون كمية شعر ٤ بنات تقريبًا عشان يصنعون باروكة وحدة! وبعدها يعالجونه/يصبغونه 

طيب وإذا شعري مو طويل وابغى أساعدهم؟ بسيطة ممكن تتبرعون لهم بقيمتها اللي هي ” ٢٠٠ ريال “ ، ‏هنا كتبت المعلومات بالمختصر المفيد في صورة ( الشروط والعنوان اللي كتبته على الظرف) عشان لو حبيتوا تحفظونها في الجهاز وترجعون لها وقت الحاجة 🙏🏼

IMG_646748D2529B-1

ونعيمًا مقدمًا ✨

∙ تجارب ∙

• تجاربي لتسوق ذكي •

headershop

الجمعة غدًا توافق الجمعة السوداء Black Friday

اعتبرها وقت جيد للشراء في حال فقط وافق مواقع احتاجها أو عروض ممتازة وأتمنى لكم أيضاً تتوقفون في الشراء لكن بالنسبة لي اشتري على العروض طوال السنة وهذي تجاربي خلال الشهرين الماضية فقط رتبتها لكم من العادي إلى الممتاز

 

th3

سيفورا
ماكان عليه عرض غير عرض التوصيل المعتاد الطلب كله كان لكريم الأساس كان دايمًا غير متوفر وينتهي من المخزون أول ما توفر طلبته بسرعة اشتريت بالإضافة مخفي عيوب من نارس شهادتي فيه مجروحة لأن جربت غيره كثير وبالأخير رجعت له

مده الطلب : اسبوع
تكلفة الشحن : مجانًا أكثر من ٣٥٠
التوصيل : عن طريق ناقل
المميزات: وصلتني بالمدة المحددة من غير تأخير + التغليف يأسر ! كأنه هدية + فيه خيار ممكن تكتبون بطاقة لنفسكم أو لغيركم في حال كان الطلب لشخص آخر وهذا كله مجاني
السلبيات : كان المفترض مع الطلب اختار 4 عينات مجانية من ١٠، ولا عينة اخترتها جات مثل ما طلبت! يعني أرسلوها عشوائي
العينات الي وصلتني | ماسك مرطب استخدمته لا بأس فيه لكن ما اشتريه .. ماسك من سيفورا .. عينة كريم أساس قوامه المفضل لي للأبد .. برايمر مايناسبني للآن ما استخدمه لكن عليه مديح

..

جرير
مو أول تجبة معهم سبق واشتريت طابعات وأجهزة اونلاين وكان التوصيل خلال 3 أيام لذا كان عندهم عرض على مجموعة أحبار  تخفيض نسبة مع توصيل مجاني قلت اكرر التجربة وفعلًا وصلني خلال المدة المطلوبة
مدة الطلب : من الطلب إلى الإستلام 3 أيام
 تكلفة الشحن : عرض مجاني
التوصيل : عن طريق اراميكس
المميزات : سرعة التوصيل
السلبيات : لا يوجد

th1

ذَا بالم
الطلب كان وقت  تخفيض ٥٠٪؜ على كل المنتجات، اشتريت مجموعة ظلال ، كحل ، ماسكارا
وإذا اشتريتوا بمبلغ معين يعطونكم هدية وهي حجم صغير من مجموعة تدرجات تنفع للظل وجربتها للكونتور والإضاءة ممتاز للأمانة ويمكن فرحت فيها أكثر من باليت الظل
مدة الطلب : اسبوعين
تكلفة الشحن : 20 دولار ويكون مجاني بعد مبلغ معين
التوصيل : عن طريق فيديكس من امريكا إلى السعودية، ومن السعودية إلى بيتكم عن طريق زاجل
المميزات : الشحنة أخذت وقت صحيح لكن ماضاعت أو واجهتني مشاكل “مثل ماقرأت عن تجارب موقع ذابالم”بالعكس التنبيهات توصلني أول بأول على الإيميل والجوال+ الظلال مو أول تجربة واضحين جدًا عالعين + الماسكارا صدمتني من جمالها جدًا جدًا ممتازة + الكحل سواده حلو ويدوم ما يبهت أو يتغير لكن ريشته جيدة ما اعتبرها المفضلة ممكن يناسب المبتدئين أكثر
السلبيات : لا يوجد

th2

سلالات القهوة
كوني من محبي + شاربي القهوة المختصة من مايقارب السنتين لذا نوعًا ما عندي خلفية عن أغلب محامص القهوة بعضها اشتريها من المحمصة نفسها مثل برو٩٢ وبعضها من الموقع مثل خطوة جمل وبيت التحميص وكافيين لاب وغيرهم لكن سلالات “بغض النظر عن قهوتهم اللذيذة” عندهم ميزة وعليها قررت اطلب أونلاين وهي ميزة النقاط
كل ما انفق أكثر اجمع نقاط أكثر والنقاط تتجمع وتصبح رصيد للإستفادة منه لاحقًا
الميزة الثانية العروض : اشتريت وقت عرض “اربع أكياس ٢٥٠ جرام خصم بنسبة 15٪؜ “
الميزة الثالثة : كود الخصم يخصم لكم 5٪؜
أظن وصلكم إحساسي ! نعم إحساس عثرتوا على كنز
سبق وجربت شلشلي كانت إلى الأبد لذيذة لكن منتهية للأسف فاشتريت بدلها  مخرج ١٣ – مركب الهند – إليدا مجففة  – كوري مجففة
مدة الطلب : أقل من اسبوع
التوصيل : عن طريق سمسا
تكلفة الشحن : 25 ريال ومجانًا بعد مبلغ معين
وهذا كود الخصم لو حبيتوا تطلبون 
 
REWARD-4360-PTXU5-RDDJ

 

هذي تجاربي بكل إختصار أتمنى إنكم استفدتوا

وتسوق ممتع وذكي لكم